மழையுடனான காலநிலை எதிர்வரும் 19ஆம் திகதி (புதன்கிழமை) வரை நீடிக்கும் : வளிமண்டலவியல் திணைக்களம் !

நாட்டின் தென்மேற்குப் பகுதியில் தற்போது நிலவும் மழையுடனான காலநிலை எதிர்வரும் 19ஆம் திகதி புதன்கிழமை வரை நீடிக்கும் என வளிமண்டலவியல் பணிப்பாளர் நாயகம் அதுல கருணாநாயக்க தெரிவித்துள்ளார்.

தொடர் மழையால் சிறு வெள்ளப்பெருக்கு ஏற்படுவதுடன் மண்சரிவு ஏற்படுவதற்கான சாத்தியக்கூறுகள் காணப்படுவதாக பணிப்பாளர் நாயகம் தெரிவித்தார்.

புத்தளம், குருநாகல், மாத்தளை, கம்பஹா, கண்டி, கேகாலை, நுவரெலியா, கொழும்பு, களுத்துறை, இரத்தினபுரி, காலி, மாத்தறை மற்றும் ஹம்பாந்தோட்டை உள்ளிட்ட 13 மாவட்டங்களுக்கு வளிமண்டலவியல் திணைக்களம் சிவப்பு எச்சரிக்கை அறிவிப்புகளை வெளியிட்டுள்ளது.

மேற்கு, சப்ரகமுவ, மத்திய, தெற்கு மற்றும் வடமேற்கு மாகாணங்களில் இன்று (அக்.14) அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுவதுடன் சில இடங்களில் மி.மீ. 100க்கு மேல் பலத்த மழை பெய்யக்கூடும் என தெரிவிக்கப்படுகிறது .

மேலும், நாட்டின் மற்ற பகுதிகளில் மாலை அல்லது இரவு நேரங்களில் சில இடங்களில் மி.மீ. 75 பாகைக்கு மேல் பலத்த மழை பெய்யக் கூடிய சாத்தியம் காணப்படுவதுடன், பேருவளை தொடக்கம் காலி, ஹம்பாந்தோட்டை, பொத்துவில் ஊடாக மட்டக்களப்பு வரையான கரையோரப் பகுதிகளில் காற்றின் வேகம் உடனடியாக மணிக்கு 100 கிலோ மீற்றர் வரை அதிகரிக்கலாம். இது சுமார் 60-70 வரை உயரும் சாத்தியம் காணப்படுவதுடன், புத்தளத்திலிருந்து கொழும்பு, காலி மற்றும் ஹம்பாந்தோட்டை ஊடாக பொத்துவில் வரையான கடற்பரப்புகள் கொந்தளிப்பாக மாறக்கூடும் என அறிவிக்கப்பட்டுள்ளது .

Published from Blogger Prime Android App